styrmir.is

Fer vinnustaðamenningu hrakandi?

Miðvikudagur, 3. október 2018

Í Fréttablaðinu í morgun er sagt frá óánægju starfsmanna hjá kísilverinu á Bakka með vinnustaðamenningu á staðnum. Að undanförnu hafa komið upp áleitnar spurningar varðandi vinnustaðamenningu hjá Orkuveitu Reykjavíkur. Úr mörgum áttum heyrast nú aðvaranir um að kulnun í starfi sé víða vaxandi vandamál. Og svo mætti lengi telja.

Það er þess vegna kannski ekki út í hött að spyrja, hvort vinnustaðamenningu fari hrakandi.

Er stjórnunarháttum ábótavant? Er harka á vinnustöðum að vaxa?

Þegar horft er hálfa öld aftur í tímann er auðvitað ljóst að mikil breyting hefur orðið á því, sem nú kallast vinnustaðamenning og snýst um samskipti fólks á vinnustöðum. Sennilega er mesta breyting sú, þegar horft er yfir svo langt tímabil, að menntun fólks er miklu meiri.

Aukinni menntun starfsmanna fylgja óhjákvæmilega breyttar umgengnisvenjur. Fyrir hálfri öld ríkti geðþóttastjórnun á vinnustöðum. Hún gengur ekki lengur.

Opnar umræður um mál af þessu tagi geta átt mikinn þátt í að breyta vinnustaðamenningu til hins betra.

Það er verðugt verkefni fyrir hin fjölmörgu samtök, sem starfa á vettvangi atvinnulífsins að standa fyrir slíkum umræðum.

Icelandair: Björgólfur Jóhannsson brýtur blað

Þriðjudagur, 28. ágúst 2018

Líklegt má telja, að með óvæntri afsögn sinni í gær sem forstjóri Icelandair Group hafi Björgólfur Jóhannsson brotið blað í viðskiptalífi okkar og sett með þeirri ákvörðun ný viðmið , sem fara verði eftir. Áhrif þessarar ákvörðunar munu vafalaust ná víðar en til fyrirtækja, sem skráð eru á markaði. Líklegt er að þau muni líka ná til stærri óskráðra fyrirtækja og t.d lífeyrissjóða , þegar… Meira »

John McCain látinn: Talsmaður og táknmynd þeirra Bandaríkja, sem einu sinni voru

Sunnudagur, 26. ágúst 2018

John McCain , öldungadeildarþingmaður, sem nú er látinn, var eins konar talsmaður og táknmynd þeirra Bandaríkja, sem einu sinni voru. Þeirra Bandaríkja , sem komu lýðræðisríkjum Vestur-Evrópu til bjargar í heimsstyrjöldinni síðari. Þeirra Bandaríkja , sem gerðu Sovétríkjunum kleift að lifa af með vopnasendingum. Þeirra Bandaríkja , sem lögðu fram gífurlega fjármuni í formi Marshallaðstoðar til að… Meira »

Hetjur æsku lýðveldisins

Fimmtudagur, 12. júlí 2018

Það voru nokkrir ungir frjálsíþróttamenn , sem áttu mestan þátt í að veita hinu unga íslenzka lýðveldi sjálfstraust á árunum eftir lýðveldisstofnun. Þeir voru hetjur æsku hins unga lýðveldis . Þeir voru "strákarnir okkar" þeirra tíma. Einn úr þeirra hópi, Finnbjörn Þorvaldsson , er nú látinn. Aðrir úr þessum hópi voru Clausens-bræður , Gunnar Huseby , Torfi Bryngeirsson o.fl. og áratug síðar var… Meira »

Umfjöllun um Matthías Johannessen í Nordisk Tidskrift

Fimmtudagur, 19. apríl 2018

Í fyrsta hefti þessa árs af tímaritinu Nordisk Tidskrift , sem út er komið, er að finna grein um Matthías Johannessen , sem lengst allra var ritstjóri Morgunblaðsins eða í rúmlega 41 ár. Greinin er eftir umsjónarmann þessarar síðu og er þáttur í greinaflokki um ritstjóra á Norðurlöndum . Í grein þessari held ég því fram, að Matthías Johannessen hafi verið áhrifamesti fjölmiðlamaður á Íslandi á… Meira »

Framsýnn dugnaðarforkur níræð í dag

Þriðjudagur, 31. janúar 2017

Samstarfskona mín á Morgunblaðinu til margra áratuga, Elín Pálmadóttir , er níræð í dag. Hún kom þar til starfa u.þ.b., þegar við, nokkrir Heimdellingar , fórum að venja komur okkar á ritstjórnina. Yfir henni var nokkur ævintýraljómi í hugum okkar, þessara stráklinga. Hún hafði unnið í útlöndum á vegum hins nýstofnaða lýðveldis , bæði hjá Sameinuðu þjóðunum í New York og í sendiráði… Meira »

Upplýsingar liggja fyrir um tvo þingmenn, sem heimilað var að hlera

Föstudagur, 5. ágúst 2016

Á mbl.is , netútgáfu Morgunblaðsins , er sagt frá því, að Ólöf Nordal ,innanríkisráðherra, hafi birt svar við fyrirspurn frá Össuri Skarphéðinssyni , alþingismanni Samfylkingar , um veittar heimildir til símahlerana hjá alþingismönnum á árunum 1949-1968 vegna ýmissa atburða, sem tengdust Atlantshafsbandalaginu . Jafnframt er tekið fram, að ekki sé tilgreint um hvaða þingmenn sé að ræða. Af þessu… Meira »

Úr fórum FRV: Lýðveldisstjórnarskráin 1944 og samþykkt hennar

Laugardagur, 7. maí 2016

Í fórum Finnboga Rúts Valdemarssonar , fyrrum ritstjóra Alþýðublaðsins og síðar þingmanns Sameiningarflokks alþýðu-Sósíalistaflokks og Alþýðubandalags, hefur fundizt handrit að grein, sem augljóslega er skrifuð í aðdraganda forsetakosninga 1980 . Ekki er ljóst, hvort grein birtist þá opinberlega en þar sem efni hennar á augljóslega erindi við núverandi aðstæður er hún birt hér með leyfi… Meira »

Varnir Íslands í Vísi 1962

Föstudagur, 6. maí 2016

Hinn 7.marz 1962 , fyrir 54 árum , birti dagblaðið Vísir grein eftir Styrmi Gunnarsson, stud. jur (nú umsjónarmann þessarar síðu), sem bar fyrirsögnina Varnir Íslands . Greinin var svohljóðandi: "Varnarliðið á Keflavíkurflugvelli gegnir tvíþættu hlutverki. Annars vegar er því ætlað að verja land og þjóð ef til árásar kemur, hins vegar er það mikilvægur hlekkur í þeim vörnum, sem frjálsar… Meira »

Viðtal í Berlingske fyrir 100 árum um leikhús á Íslandi

Miðvikudagur, 4. maí 2016

Hinn 8.apríl árið 1916 , fyrir 100 árum birtist viðtal í Berlingske Tidende við Árna Eiríksson , kaupmann og leikara, sem var einn af stofnendum Leikfélags Reykjavíkur 1897 og formaður þess um skeið og fjallaði viðtalið um leikhús á Íslandi . Viðtal þetta er birt hér á eftir á dönsku og með stafsetningu þeirra tíma. Fyrirsögnin var: Islandsk skuespilkunst og undirfyrirsögn: Köbmand… Meira »