Því fer fjarri að ástandið vegna veirunnar sé að batna í okkar heimshluta.

Í Bandaríkjunum ríkir stjórnleysi og mun ríkja þar til nýr forseti tekur við. Þá bíður hans það verkefni að byrja í raun frá grunni að takast á við veiruna.

Í gærkvöldi tilkynnti Boris Johnson, forsætisráðherra Breta, að fólk ætti að halda sig heima við fram í miðjan febrúar og að skólar yrðu lokaðir.

Í dag er gert ráð fyrir, að sögn þýzku fréttastofunnar Deutsche-Welle, að tilkynnt verði um framhald takmarkana í Þýzkalandi til loka janúar. Skólar hafa verið lokaðir og verzlanir einnig frá 16. desember sl.

Ísland er ekki eina landið sem býr við óvissu um bóluefni. Það á við um flest lönd í nágrenni við okkur.

Þótt vel gangi hér heima fyrir um þessar mundir er of fljótt að hrósa sigri í viðureign við veiruna.

Og það þýðir um leið að það verður bið á endurreisn efnahagslífsins.